Dóminus illuminátio mea, et salus mea, quem timébo.
Dóminus protéctor vitae meae, a quo trepidábo?
Deum apprópiant super me nocéntes, ut edant carnes meas:
Qui tribulant me inimici mei, ipsi infirmáti sunt, et cecidérunt.
Si consistant advérsum me castra, non timébit cor meum.
Si exsúrgat advérsum me práelium, in hoc ego sperábo.
Unam pétii a Dómino, hanc requiram,
ut inhábitem in domo Dómini ómnibus diébus vitae meae:
Ut videam voluptátem Dómini, et visitem templum ejus.
Quóniam abscóndit me in tabernáculosuo:
in die malórum protéxit me in abscóndito tabernáculi sui.
In petra exaltávit me:
et nunc exaltávit caput meum super inimicos meos.
Circuivi, et immolávi in tabernáculo ejus hóstiam vociferatiónis:
cantábo, et psalmum dicam Dómino.
Exáudi, Dómine, vocem meam, qua clamávi ad te:
miserére mei, et exáudi me.
Tibi dixit cor meum, exquisivit te fácies mea:
fáciem tuam, Dómine, requiram.
Ne avétuas fáciem tuam a me:
ne declines in ira a servo tuo.
Adjútor meus esto:
ne derelinquas me, neque despicias me, Deus, salutáris meus.
Quóniam pater meus, et mater mea dereliquérunt me:
Dóminus autem assúmpsit me.
Legem pone mihi, Dómine, in via tua:
et direge me in sémitan rectam propter inimicos meos.
Ne tradideris me in ánimas tribulántium me:
quóniam insurrexérunt in me testes iniqui,
et mentita est iniquitas sibi.
Credo vidére bona Dómini in terra vivéntium.
Exspécta Dóminum, viriliter age:
et confortétur cor tuum, et sústine Dóminum.

Glória Patri.