Dóminus regit me, et nihil mihi déerit:
in loco páscuae ibi me collocávit.
Super aquam refectiónis educávit me:
ánimam meam convértit.
Dedúxit me super sémitas justitiae,
propter nomen suum.
Nam, et si ambulávero in médio umbrae mortis,
non timébo mala:
quóniam tu mecum es.
Virga tua, et báculus tuus:
ipsa me consoláta sunt.
Parásit in conspéctu meo mensam,
advérsus eos, qui tribulant me.
Impinguásti in óleo caput meum:
et calix meus inébrians quam praeclárus est!
Et misericórdia tua subsequétur me
ómnibus diébus vitae meae:
Et ut inhábitem in domo Dómini,
in longitúdienm diérum.

Glória Patri.