Pange lingua gloriósi Córporis Mystérium, Sanguinisque pretiósi, Quem in mundi prétium, Fructus ventris generósi Rex effúdit géntium. Nobis datus, nobis natus, Ex intácta Virgine Et in mundo conversátus, Sparso verbi sémine, Sui moras incolátus, Miro clausit órdine. In suprémae nocte coenae, Recúmbens cum frátribus, Observáta lege plene, Cibis in legálibus, Cibum turbae duodénae, Se dat suis ménibus. Verbum caro panem verum Verbo carnem éfficit: Fitque Sanguis Christi merum, Et si sensus déficit, Ad firmándum cor cinsérum Sola fides súfficit.