Veni Créator Spiritus, Mentes tuórum visita, Imple supérna grátia, Quae tu creásti, péctora. Qui diceris Paráclitus, Altissimi donum Dei, Fons vivus, ignis, cáritas, Et spiritális únctio. Tu septifórmis múnere, Digitus Patérnae déxterae, Tu rite promissum Patris, Sermóne ditans gúttura. Accénde lumen sénsibus, Infúnde amórem córdibus, Infirma nostri córpis Virtúte firmans pérpeti. Hostem repéllas lóngius, Pacémque dones prótinus; Ductóre sic te práevio, Vitémus omne nóxium. Per te sciámus da Patrem Noscámus atque Filium; Teque utriúsque Spiritum Credámus omni témpore. Deo Patri sit glória, Et Filio, qui a mórtuis Surréxit, ac Paráclito In sacculórum sáecula. Amen.