Tantum ergo Sacraméntum Venerémur cérnui: Et antiquum documéntum Novo cedat ritui: Praestet fides suppleméntum Sénsuum deféctui. Genitóri, Genitóque Laus et jubilátio, Salus, honor, virtus quoque Sit et benedictio: Procedénti ab utróque Compar sit laud tio. Amen. V. Panem de caelo praestitisti eis. R. Omne delectaméntum in se habéntem. Orémus. Deus, qui nobis sub Sacraménto mirábili passiónis tuae memóriam reliquisti: tribue, quáesumus, ita nos Córporis et Sánguinis tui sacra mystéria venerári; ut redemptiónis tuae fructum in nobis júgiter sentiámus: Qui vivis et regnas in sáecula saeculórum. Amen.