Auctor beáte sáeculi, Christe Redémptor ómnium, Lumen Patris de lúmine, Deúque verus de Deo. Amor coégit te tuus Mortále corpus súmere, Ut novus Adam rédderes Quod vetus ille abstúlerat Ille amor almus ártifex Terrae, marisque, et siderum Erráta patrum miserans, Et nostra rumpens vincula. Non Corde discédat tuo Vis illa amóris inclyti: Hoc fonte gentes háuriant Remissiónis grátiam. Percússum ad hoc est láncea, Passúmque ad hoc est vúlnera, Ut nos laváret sórdibus, Unda fluénte, et sánguine. Jesu, tibi sit glória, Qui Corde fundis grátiam, Cum Patre et almo Spiritu In sempitérna saécula. Amen. V. Hauriétis aquas in gáudio. R. De fóntibus Salvatóris.